Со грант од Шпанија ќе се прави студија за поставување пловечки фотоволтаици

За да не се зголеми цената на водата, како услуга што се дава на земјоделците во план е поставување на пловечки фотоволтаици. Тоа треба да помогне за намалување на трошоците на струјата што ги има АД „Водостопанство“ за пумпните станици.

Потпишан е договорот за подготовка на техничката документација. Проектот се реализира со грант од Шпанија во износ од над 700 илјади евра.

Прво ќе се бараат локации за пловечките фотоволтаични постројки. Потоа ќе се работи на физибилити студијата, а во трета фаза би било поставувањето.

Ана Јосифоска Тодоровска