Денеска ќе биде реактивиран Лекторатот по македонски јазик во Тирана

На универзитетот во Тирана денеска ќе биде реактивиран Лекторатот по македонски јазик. Студентите што студираат филологија ќе можат да го изучуваат и мајчиниот јазик.

На универзитетот во Тирана повеќе години македонистиката воопшто не се изучуваше и покрај големиот интерес, посочуваат од македонското друштво „Илинден“.

Со работата на лекторатот би се отвориле перспективи за заеднички научно-истражувачки проекти, но и за нови активности во областа на културата кои ќе овозможат поврзување меѓу двата народа. Неодамна со работа почнаа Катедрата и Лекторатот по македонски јазик на универзитетот во Анкара, а во тек се активности за отворање и во Пекинг.