Самарас ќе објави промени во владата, Венизелос останува министер за надворешни работи
09.06.2014 10:50
Промени во лидерските позиции ќе има и во министерствата за развој, здравство, внатрешни работи и административни реформи...
Премиерот на Грција, Андонис Самарас, ќе ги објави промените во коалициската влада, меѓу кои ќе биде клучно менувањето на министерот за финансии, Јанис Стурнарас, којшто веројатно ќе биде назначен за гувернер на Централната банка на Грција.
Промени во лидерските позиции ќе има и во министерствата за развој, здравство, внатрешни работи и административни реформи.
Според најавите, министрите за надворешни работи, одбрана и туризам ќе ги задржат местата.