Во МНР одбележан 27-ми јануари – Денот на жртвите на Холокаустот

Никогаш да не се повтори најмрачниот период и најголемиот геноцид во историјата, во кој животот го загубија 6 милиони Евреи. Порака од комеморативниот настан во македонското Министерство за надворешни работи за Меѓународниот ден за спомен на жртвите од Холокаустот.

На овој ден неминовно е да се споменат и големиот број на македонски Евреи кои фашистичкиот окупатор ги депортираше во тогаш окупираната Полска, а по депортацијата, во Македонија останаа да живеат само 2 проценти од дотогашната бројна еврејска заедница.

Благодарност до Македонија од Израел за придржувањето кон заедничката изјава против антисемитизмот, но и за осудата на минатогодишниот терористички напад на Хамас врз Израел, во кој беа убиени, измачувани и киднапирани голем број на жртви, од кои дел се сè уште во заложништво.

Во рамки на одбележувањето е предвидена и изложба на фотографии од Аушвиц во Меморијалниот центар на Холокаустот на Евреите во Македонија.

Марија Котовска