Ковачевски му ја предаде функцијата на Џафери

Досегашниот премиер Димитар Ковачевски му ја предаде функцијата на претседателот на преодната влада, Талат Џафери.

„Го реализиравме примопредавањето на функцијата Претседател на Владата согласно законските обврски за организирање на техничка влада чија што основна задача е да организира и спроведе слободни, демократски и фер претседателски и парламентарни избори. Сите започнати политики треба целосно и континуирано да се реализираат. Очеувам посветеност во работата концентрација на сите во владата и во оваа насока сметам дека работата ќе биде на највисоко ниво“, рече Ковачевски и апелираше до сите политички субјекти кои од денеска ќе бидат во владата да работат во интерес на граѓаните.