Хамас со позитивни сигнали за предлогот за примирје

Меѓународната заедница се обидува да ги намали тензиите на Блискиот Исток додека се повеќе земји се залагаат за решение со две држави. По ставот на САД, и Велика Британија смета дека тоа е решение за долгорочен мир, но не додека Хамас делува во Газа.

„За да се случи тоа, потребни се многу чекори вклучително и лидерите на Хамас да ја напуштат Газа затоа што не можете да имате решение со две држави со Газа сè уште контролирана од народот одговорен за 7-ми октомври“, изјави Дејвид Камерон, министер за надворешни работи на Велика Британија.

Хамас ги даде првите позитивни сигнали за францускиот предлог за хуманитарна пауза и размена на заложници со затвореници – соопшти Катар. Милитантната група вели дека добила предлог за трифазно примирје, вклучително и шестнеделна пауза во борбите. Според израелските власти, во Газа сè уште се држат 132 заложници, а се верува дека од нив 27-мина се мртви.