Промовиран мурал и книга посветена на маестро Александар Џамбазов

Големиот композитор и диригент, маестро Александар Џамбазов доби мурал во Дебар Маало. Великанот со чиишто песни израснаа илјадници деца зад себе остави неизбришлива трага и дело вредно за паметење.

Во чест на маестрото, промовирана и книгата „Чичко маестро Џамбаз – во светот на децата“, од авторите Бранка Костиќ-Марковиќ и Марко Коловски.

Изданието претставува збирка песни од маестро Александар Џамбазов. Изборот на композициите, што опфаќа 52 песни за деца од предучилишна и училишна возраст, е направен од самиот Џамбазов.

Ана Јосифоска Тодоровска