Тенис

Ѓорческа со убедлива победа го почна турнирот во Анталија

07.02.2024 10:01

Најдобрата македонска тенисерка, Лина Ѓорческа со убедлива победа во два сета на Холанѓанката Маделиеф Хагеман го почна ИТФ фјучрс турнирот во Анталија кој се игра за награден фонд...

Најдобрата македонска тенисерка, Лина Ѓорческа со убедлива победа во два сета на Холанѓанката Маделиеф Хагеман го почна ИТФ фјучрс турнирот во Анталија кој се игра за награден фонд од 25.000 долари.

Ова беше прв меч за Македонката по квалификациите на Австралија опен.

Ѓорческа која е трета носителка на турнирот во Анталија, во второто коло ќе игра со победничката од мечот меѓу Унгарката Амариса Киара Тот и Владислава Андреевскаја од Казахстан.

Македонската тенисерка настапува и во конкуренција на двојки заедно со Ева Ведер од Холандија, каде се рангирани како втори носителки и во првото коло ќе играат против јапонските тенисерки Мајука Аикава и Фуна Козаки од Јапонија.