Откажани летови поради штрајк во Германија

Околу илјада летови се откажани поради предупредувачкиот штрајк на персоналот на најголемиот германски авиопревозник Луфтханза. Во Франкфурт, Минхен и Дизелдорф не летнаа над 80 насто од авионите. Речиси сто илјади патници се засегнати и бараат алтернативи за патување.

Акцијата е одговор на тековните преговори за платите на групацијата Луфтханза за приближно 25.000 вработени во копнената екипа. Понудата на работодавците во вториот круг преговори на 23-ти јануари беше одбиена.

„Имаме огромна потреба од инвестиции во нови авиони, седишта, дигитални ресурси, сето тоа треба да се финансира. Подготвени сме да ги зголемиме платите и мислиме дека направивме добра понуда со зголемување од речиси 13 насто во следните три години“, изјави Мајкл Нигерман – менаџер на Луфтханза.