Не помина барањето на републиканците за отповикување на секретарот за внатрешна безбедност на САД

Со 214 „за“ и 216 „против“, републиканците во Претставничкиот дом не успеаја да го отповикаат секретарот за внатрешна безбедност Алехандро Мајоркас. Импичментот беше поднесен поради неможноста да се обезбеди границата на САД со Мексико, која бележи пораст на илегални минувања.

„Секретарот за домашна безбедност грубо ги игнорираше законите на Соединетите Држави. Тоа доведе до загрозување на животот на американските граѓани. Минатата година има десетици убиени мигранти на јужната граница. Јас застапувам. 75.000 Американци кои починаа од труење со фентанил труења минатата година. Овие бројки се директен резултат на политиките донесени од администрацијата на Бајден, но многу конкретно од секретарот за внатрешна безбедност“, изјави Чип Рој, републиканец од Тексас.

Борбата со миграцијата ескалира во изборната година. Рекорден број луѓе секојдневно пристигнуваат на јужната граница, во она што Мајоркас го квалификуваше како ера на глобална миграција. Сè повеќе мигранти бараат азил и се условно пуштени во САД, пристигнувајќи во градови кои немаат услови за домување и друга помош додека чекаат судски постапки кои може да потраат со години.

„Отповикувањето е една од најсериозните постапки во ова тело. Тоа не е нешто со кое треба да се расфрлуваш само затоа што не се согласувате со некого, или не ви се допаѓаат неговите политики. Тоа е нешто што треба да се случим откако ќе биде сторено уставно прекршување“, изјави Џејмс Мекговерн, демократ од Масачусетс.

Во претставничкиот дом се води битка меѓу демократите и републиканците за финансиската помош за Украина и Израел со што се блокира поддршката. Претходно, администрацијата на Бајден го поддржа двопартискиот законски пакет од 118 милијарди долари, кој вклучува помош за Украина и Израел, како и средства за безбедноста на границите на САД. На планот се противат Доналд Трамп и неговите сојузници, кои го сметаат за слаб во однос на справувањето со миграцијата. 

Маријана Димовска