Расте интересот за изучување на природните науки

Се повеќе студенти образованието го продолжуваат на природните науки. Велат дека во 21-от век постојат научно истражувачки дејности базирани  на природата,  а тоа за нив е голем предизвик.

Ако на физика и хемија, претходните години скоро и да немало студенти, последниве две бројот е значително зголемен, вели деканот на Природно- математичкиот факултет.

„Кога би се барал одговорот зошто е така причината е тоа што очигледно младите луѓе после зљавршувањето полесно наоѓаат работа или и тие го следат интересот на фирмите за нивно вработување“, вели Илко Ѓоргоски, декан на Природно- математичкиот факултет.

Кога пред 4 години за прв пат се отворила насоката за туризам на природно -математичкиот факултет очекувале околу 50- тина студенти , а се запишале три пати повеќе, раскажува професорот Панов.

„Интересот е голем обично студентите се запишуваат таму кај што ќе најдат перпектива за вработување, голем број студенти веќе работат во 10- те најголеми туристички агенции во Македонија“, изјави професорот Никола Панов, професор на Институт за географија, отсек Туризам.

Од природно математичкиот факултет велат дека студентите имаат постојана пракса, а тоа им помага за вработување во иднина.

Во изминативе неколку години се поголем е бројот на оние кои што одлучуваат да се запишат на факултет за природни науки. Зголемен е бројот на студенти кои се запишале на природни науки за 10 проценти.

Ана Јосифоска- Тодоровска