Во Собранието изгласани законските измени за продолжување на важноста на возачките дозволи до крајот на годината

Во Собранието консензус меѓу партиите, по итна постапка изгласани законските измени за продолжување на важноста на возачките дозволи, за домашна употреба, до крајот на годината. Неизбежни и обвинувањата што во последен момент се бара решение.

Најнезадоволни се граѓаните.

Претседателот Пендаровски го потпиша указот на законските измени за возачките дозволи. Претходно изјави дека е неприфатливо македонските граѓани кои се веќе изложени на сопствен трошок, да менуваат документи. Шефот на државата сепак задоволен што се најде времено решение.