Силно невреме во Австралија, загина едно лице

Стотици илјади жители во австралиската држава Викторија останаа без струја, откако далноводи беа соборени поради лошите временски услови. Невремето предизвика и пожари. Повредени се петмина пожарникари.

Властите соопштија дека еден маж починал на југот на државата. Некои железнички линии во Мелбурн беа прекинати, а затворени се најмалку 10 училишта и десетици градинки.

Австралиската метеоролошка агенција прогнозираше подобри временски услови за денеска, но предупредува дека сè уште постои ризик од силен дожд и ветер.