Tракторите мора да се регистрираат

До 1-ви Јули 2014-та година сите трактори ќе мора да имаат техничкиот преглед. По завршувањето на рокот за легализација на скоро 20 000 трактори следи нивната регистрација.  Најголем број на барања се поднесени во Тетово,Битола и во Струмица.

До октомври годинава, кога заврши рокот за легализацијата на тракторите и механизацијата, 20 000 земјоделци поднеле барање за докажување на сопстевеноста.

За експертите бројката е голема , и покажува дека повеќе од  една третина од вкупниот број на тракторите биле без соодветна документација и регистрација , и не легално се вклучувале во сообраќајот.

Според министерството за економија надлежно за спроведување на постапката  , фармерите имаат краен рок до Јули 2014-та да го поминат техничкиот преглед  и регистрираат тракторите.

Со ова ќе се подобри безбедноста на земјоделците и на другите учесници во сообраќајот.