Асанж во исчекување на одлуката за екстрадиција

Високиот суд во Лондон, денеска ќе ја обелодени одлуката за судбината на основачот на Викиликс, Џулијан Асанж. Неговиот правен тим втор ден е во обид да ја оспори одлуката за негова екстрадиција во САД каде што го очекува ново судење за шпионажа за оддавање воени тајни. Неговата сопруга и поддржувачите велат дека неговиот прогон е политички мотивиран и е напад на вистината.

Бараат фер судење и дозвола за целосна жалба. Американскиот „свиркач“ Едвард Сноуден му порача на „секој политичар и новинар“ дека не можат да го спасат рускиот опозициски лидер Навални, но дека можат да го спасат основачот на Викиликс.