Денеска се навршуваат две години од руската агресија на Украина

Светот денеска ќе ја одбележи втората годишнина од руската агресија на Украина. Претседателката на европската комисија Урсула фон дер Лајен и белгискиот премиер Александер де Кро, чија земја е актуелен претседавач со ЕУ, се во посета на Украина за да ја потврдат поддршката на Брисел.

На фронтот продолжуваат борбите, но и меѓусебните напади со најсовремено оружје. Претседателот Зеленски изјави дека украинската армија подготвува нова контраофанзива во Црно Море и во зоната на специјални воени операции.