„Ослободување на Скопје“ под режисерска палка на Раде Шербеџија

Во септември, под режисерската палка на Раде Шербеџија, ќе почне снимањето на филмскиот проект „Ослободување на Скопје“.

Екипата ќе работи на локации во Велес и во Битола, а филмот, во кој ќе бидат ангажирани актери од повеќе земји, целосно ќе биде на македонски јазик.

Во филмот до голем израз ќе дојдат македонскиот сензибилитет, музика, архитектура и нашите природни убавини, рече Канческа-Милевска и изрази надеж дека ќе имаме успешен филм. Додаде дека Шербеџија е голем поддржувач на Македонија.

Денеска, актерот со светска слава и голем пријател на Македонија, Раде Шербеџија, и официјално го прими македонското државјанство.