Независниот синдикат на здравствените работници најавува протести
Независниот синдикат на здравствени работници се закани со протести и генерален штрајк. Расте притисокот за повисоки плати и за решавање на проблемот со договорците на дело...
Здравствените работници во неизвесност, колку пари ќе им легнат за мартовската плата. Независниот синдикат предупреди дека протестите ќе бидат неизбежни доколку платите на здравствените работници не се усогласат со стандардите за минимална плата. Се жалат дека сега имаат потпросечни примања.
Меѓу здравствените работници има и такви кои работат и по 13 години, а не им е решен статусот, иако пред почетокот на годинава им беше ветено дека ќе добијат договори на неопределено.
Од Министерството за здравство велат дека буџетот е одобрен, но процедурата е во мирување поради изборниот процес.
Ана Јосифоска - Тодоровска