Почина американскиот војник кој се самозапали пред израелската амбасада во Вашингтон

Американскиот воен пилот Арон Бушнел, кој вчера се самозапали пред израелската амбасада во Вашингтон, им подлегнал на повредите. Американски официјален претставник ја потврди смртта на 25-годишниот војник.

Американските медиуми, претходно објавија дека Бушнел пренесувал сè во живо на платформата Твич, говорејќи дека „нема да биде соучесник во геноцидот“, по што се полил со течност, а потоа се самозапалил извикувајќи „Слободна Палестина“, додека не паднал на земја.

Бушнел бил пренесен во болница откако пожарот бил изгаснат од припадници на американската тајна служба.