Регулаторна ја крои цената на парното, ќе ја соопшти наскоро

Се подготвува новата цена на парното греење. Енергетските компании веќе доставиле барања до Регулаторна, и сега се прават пресметки кои од барањата се прифатливи.

Последниот збор за новата пониска или повисока цена на парното, сепак ќе го има регулаторот.

И додека регулаторите калкулираат, надеж дека ќе има поевтинување внесува пониската цена на природниот гас на светските берзи.

Претходно, парното поскапе за 4,51%, па така сметките од 1.800 денари пораснаа за 80 денари. Градско парно користат над 60.000 домаќинства, најмногу приклучени има на „ЕСМ“, поранешно „БЕГ“, додека најмалку на топланата „Скопје-Север“ која има нов сопственик откако беше продадена за 350.000 евра.

Борис Грујоски