Времен сообраќај на улица „Орце Николов“ во Дебар Маало

Општина Центар во текот на утрешниот ден, ќе го санира кружниот тек во Дебар Маало на улица „Орце Николов“, поради што граѓаните се известуваат дека во периодот од 8:00 до 15:00 часот ќе има времен режим на сообраќајот.

Сообраќајот ќе се одвива од улица „Коле Неделковски“ до улица „Ленинова“ во една насока.

Се замолуваат сите учесници во сообраќајот да бидат внимателни и да се прилагодат на времениот сообраќај во текот на утрешниот ден, стои во соопштението.