Избори во Иран за нов состав на Парламент

Во Иран денеска се гласа за нов состав на Парлементот од 290 пратенички места. Право на глас имаат околу 61 милион граѓани. Иранскиот верски лидер ајатолахот Али Хамнеи ги отвори изборите кои се одржуваат под строги безбедносни мерки.

Аналитичарите очекуваат дека на изборите ќе доминираат конзервативни и ултраконзервативни кандидати, слични на оние коишто веќе се во актуелниот состав на парламентот.

Првични резултати се очекуваат за време на викендот. Ова се први избори по неколкумесечните протести предизвикани по смртта на 22-годишната Махса Амини во полициски притвор.