Ферстапен со победа ја почна одбраната на титулата

Холанѓанецот Макс Ферстапен (Ред Бул) победи попладнево на првата трка од новата сезона во Формула 1 што се возеше за Големата награда на Бахреин.

Актуелниот светски првак беше во водство на патеката Сакир од самиот почеток до целта, триумфирајќи пред клупскиот колега Мексиканецот Серхио Перез, додека третото место го освои Шпанецот Карлос Саинц (Ферари). Ферстапен заработи и дополнителен поен за најбрзо извозен круг.

Следната трка на програмата е идната сабота за Големата награда на Саудиска Арабија во Џеда.