Џафери во посета на Општина Битола

Претседателот на техничката влада на Република Северна Македонија, Талат Џафери денеска ќе ја посети Општина Битола. Премиерот Џафери ќе го посети Ректоратот при Универзитетот Св. „Климент Охридски“, потоа и Педагошкиот факултет – Битола.

Како што најавија од владината прес-служба Џафери ќе го посети Студентскиот информативен центар во Битола, ќе го посети и Факултетот за информатички и комуникациски технологии – ФИКТ – Битола, по што ќе даде изјава за медиумите.

Предвидена е посета и на НУ „Завод и музеј“-Битола-Спомен соба на Кемал Ататурк и Музејот на албанската азбука.