Се отвора нов пункт за вадење на лични документи во Идризово

В среда ќе се отвори нов пункт за вадење лични документи којшто ќе се наоѓа во склоп на Центарот за обука во Идризово, најави техничкиот министер за внатрешни работи Панче Тошковски.

Пунктот ќе биде со четири базни станици кои се префрлени во Идризово од внатрешноста на државата. Ќе почне со една смена, заради тоа што нема доволно обучен кадар, но се планира да се опслужуваат по 250 до 300 луѓе.