Граѓаните реагираат на зголемените цени, стравуваат од нови поскапувања
Граѓаните се жалат дека цените во маркетите се значително зголемени откако престанаа да важат гарантираните цени. Стравот од нови поскапувања е реалност...
Повисоки цени, помалку продукти на трпезата. 1.000 денари не му стигаат на четиричлено семејство да истурка два дена скромно, со оброци без месо. Граѓаните велат – леб, маргарин, грав и ориз, друго не можат да си дозволат.
Стравот од нови поскапувања е реалност, а потрошувачите не се оптимисти дека цените ќе се стабилизираат.
За разлика од синџирите маркети, маалските продавници засега одат со стари или минимално зголемени цени. Но, предупредуваат дека идните текови ќе ги диктираат добавувачите.
Пазарната инспекција на терен проверува дали има договарање меѓу трговците, вели вицепремиерот Битиќи. Очекува поголема ажурност на Комисијата за заштита на конкуренцијата.
Со владина одлука до први март беа замрзнати цените на околу 50 производи од пекарската, млечната и месната индустрија.
Анита Димитријевска – Велковска