Македонската компанија „Сајтрокс“ санкционирана од САД поради улога во развојот на шпионскиот софтвер

Компанијата „Сајтрокс“ со седиште во Македонија, заедно со уште четири други фирми и две физички лица е ставена под санкции од одделот за контрола на странски средства при американското Министерство за финансии, поради улога во развојот на шпионскиот софтвер „Предатор“.

Покрај македонската компанија, под санкции се ставени и грчката и унгарска компанија, како и една компанија од Ирска. Сите компании, според Министерството за финансии на САД, биле поврзани со конзорциумот „Интелекса“ за развојот, работењето и дистрибуцијата на комерцијална технологија за шпионски софтвер што се користи за таргетирање Американци, вклучително владини службеници, експерти за политики и новинари.