Почина фолк пејачката Атина Апостолова

Доајенот на македонската фолк музика, Атина Апостолова, денеска е пронајдена почината во нејзиниот дом во Скопје.

Атина Апостолова е родена на 20 мај 1946 година во Скопје, каде и дипломирала на Економскиот факултет.

Таа ќе остане запаметена по големиот број хитови, меѓу кои „Ако грешам, грешна да сум јас“, „Пејте, пејте еј, мераклии“, „Усни румени“,„Цела вечер ќе ти пеам, а ти крши чаши“, „Верувај ми“…

Минатата година ја доби наградата за животно дело на фестивалот „Тумба Фест“ во Куманово.