Земјава се соочува со сериозен недостиг на работна сила
Македонија се соочува со сериозен недостиг на работна сила, особено во одредени сектори, како туристичкиот, градежниот, а како последно најмногу во текстилната индустрија...
Во Македонија од ден на ден паѓа бројот на угостители, градежници, шивачки. Секторите ослабнуваат и ќе биде тешко, за МТВ велат стопанственици кои бараат од државата да покаже сериозност и да ги помогне компаниите. Одливот на кадар се должи на подобрите услови на пазарот на труд во странство.
Дека ќе биде тешко во цела 2024 алармираат и сопственици на текстилни компании, кои поради намалени нарачки биле принудени да поделат откази на дури 10,4% од вработените во индустријата.
Дека проблемот со работна сила ќе се продлабочува, согласен и министерот за труд и социјала.
Според Светската банка, Македонија годишно губи околу 0,5% од населението поради емиграција. Си одат млади и квалификувани луѓе, кои бараат подобри услови за живот и работа во други земји.
Одливот на кадар дополнително го ослабува работниот потенцијал на земјата.
Борис Грујоски