Ѓоковиќ нема да игра во Мајами

Српскиот тенисер, Новак Ѓоковиќ нема да учествува на Мастерс турнирот во Мајами, пренесуваат повеќе медиуми. На Индијан Велс, Србинот неочекувано го заврши учеството веќе во третото коло со пораз од Лука Нарди.

Мајами е тука, ајде да видиме. Пред десетина минути бев на теренот, главата сѐ уште ми е малку жешка. Морам да одвојам ден-два, а потоа да видам што сакам да направам понатаму, изјави Ѓоковиќ веднаш по поразот од Италијанецот.

Новак Ѓоковиќ е шесткратен шампион во Мајами, а тој турнир ќе се игра од 20 до 31 март.