Вулканот на Рејкјанес слабее

Вулканската лава од ерупцијата на Исланд која се закани да го проголта евакуираниот град Гриндавик е стабилизирана и слабее-велат експертите, предвидувајќи дека ерупцијата наскоро ќе згасне.

Вулканскиот систем на полуостровот Рејкјанес во југозападниот дел на земјата еруптираше доцна во саботата по четврти пат во последните три месеци.

Силните и брзи текови на лавата стигнаа до источната одбрана на Гриндавик која што успеа да ѝ се спротивстави на вжештената река штитејќи ги домовите на заедницата.