Рибароски: Агенцијата за катастар води хајка против приватните геодетски компании
Комората на геодети реагира за оштетувањето на Агенцијата за катастар на недвижности поради незаконското користење на податоците. Оттаму велат дека се изненадени од ставовите и пласираните дезинформации од страна на менаџментот на Катастарот, со што се нанела штета на угледот и честа на овластените геодети и Трговските друштва за геодетски работи...
Од заедничката соработка зависат услугите кон граѓаните. Не можат едни без други, геодетите и Катастарот ги нарушија односите откако според новиот правилник, институцијата издава и одзема лиценци за приватните геодетски друштва. А според стручниот кадар, ова е директен упад во ингеренциите на Комората. Сега за иста работа лиценци издаваат две различни институции.
Македонската телевизија неколку пати го побара директорот на Катастарот. И покрај нашите повици и писмени барања, нема одговор од институцијата. Комората на геодети вели и тие барале средба, на маса да ги искажат ставовите и да најдат соодветно решение.
Со новиот геодетски тарифник, за имотен лист наместо 153 денари, сега се плаќа 250. За упис на нов стан речиси трипати поскапо. Вртоглави се и цените за запишување хипотека, од 60 до 90.000 денари.
Борис Грујоски