Вработените во Македонска пошта ќе продолжат да протестираат

Добија плата, но вработените во Македонски пошти ќе продолжат да протестираат. Бараат владата да обезбеди финансиски средства за редовни месечни примања во предвидениот рок, да се изработи нов колективен договор и нов закон за поштенски услуги. 

Вработените во „Македонски пошти“ повторно протестираа пред дирекцијата на ова државно претпријатие. Не се откажуваат од барањата за редовни плати, покачувања и подобри услови за работа.

Покрај вработените во поштата во Скопје, протестот продолжи и во Тетово.

Околу 2.000 лица се вработени во „Македонски пошти“ на Северна Македонија, а околу 600 од нив се распоредени на терен.