Интензивни борби и поддршка за Киев

Германија најави нова помош од 500 милиони евра за Киев. Зеленски им се заблагодари на сојузниците за новите одбранбени пакети.

„Ќе има нови одбранбени пакети, вклучително и оскудна артилерија. Нови држави се приклучуваат на чешката иницијатива за купување муниција – ви благодарам на сите“, изјави Володимир Зеленски, претседател на Украина.

Изминатите денови се водат жестоки борби. Путин ја обвини Украина и нејзините западни поддржувачи дека користат терористички методи во нејзините напади врз руските погранични области.

„Неонацистичкиот режим во Киев, повторно со поддршка на Западот, и често по нивни директни инструкции, премина на терористички методи. Се гранатираат мирни градови. Провокативни изјави на голем број западни структури. Сето ова наликува на директна уцена и намера да се заплаши и дестабилизира нашето општество“, изјави Владимир Путин, претседател на Русија.