Лекарите згрозени од убиството на лекарот, за утре најавија протест

Полицијата сè уште трага по сторителот или сторителите на убиството на 67-годишниот матичен лекар. Истражните органи ги анализираат трагите најдени на паркингот пред поликлиниката „Железара“, а ги прегледуваат и снимките од безбедносните камери во околината.

Мотивите и причините за убиството на Трповски сè уште се непознати. Се чекаат и наодите од обдукцијата. За неколку месеци требало да замине во пензија, а меѓу колегите важи за врвен доктор со огромен стаж. Неговите колеги се згрозени, но и револтирани поради убиството.

Во знак на протест утре од 12 до 16 часот нема да примаат пациенти. Бараат да се донесе посебен Закон за матичните лекари.