Осветлување на Археолошкиот музеј со црвено светло по повод Светски ден за борба против туберкулозата

Институтот за белодробни заболувања и туберкулоза Скопје, заедно со професионалните здруженија: Македонското лекарско друштво, Здружението на пневмофтизиолози, Македонското респираторно здружение и Македонското педијатриско респираторно здружение се вклучија кон годинешните активности на „Stop TB Partnership“, што претставува интернационална иницијатива и партнерство под закрила на Обединетите Нации, по повод одбележување Светски ден за борба против туберкулозата (ТБ) – 24 март 2024 година.

Секоја година, на 24-ти март, се одбележуваме денот кога д-р Роберт Кох во 1882-ра го објавил откривањето на бацилот на туберкулоза. Светскиот ден на туберкулозата е повод да се мобилизира политичката и социјалната посветеност за натамошен напредок кон елиминирање на туберкулозата, 

Одбележувањето на Светскиот ден за борба против туберкулозата е со цел подигнување на свесноста за глобалната епидемија на туберкулоза и напорите кои се во тек за нејзино елиминирање. Овој ден служи како потсетник за изгубените животи од ТБ, тековната борба на оние кои живеат со оваа болест и итната потреба за глобална акција за да се стави крај на ТБ. Меѓународната кампања има за цел не само да информира и ангажира, туку и да мобилизира ресурси, да се залага за ефективни политики и да го поттикне учеството на заедницата во глобалната борба против ТБ, усогласувајќи се со годинешната тема и целите за да нè доближи до свет без ТБ.

Годинешно мото за денот на борба против туберкулозата „ДА! Можеме да ставиме крај на туберкулозата“ треба да го привлече вниманието кон оваа глобална закана со цел да ја впрегнеме нашата колективна моќ за да ставиме крај на туберкулозата до 2030 година и затоа да ги достигнеме целите за одржлив развој.

Партнерството „Стоп за ТБ“ ја започна кампањата „Осветли за туберкулозата“ првпат во 2017-та година, при што во претходните кампањи со вклучување на над 60 градови ширум светот. Нашата земја, првпат се вклучи во оваа кампања минатата година, кога за истата цел се осветли Камениот Мост во црвено.