Трамп доби рок од десет дена да уплати 175 милиони долари за жалба на пресудата за измама

Апелациониот суд во Њујорк му даде рок уште десет дена на поранешниот американски претседател Доналд Трамп да уплати 175 милиони долари за жалба на пресудата за измама.

Доколку не ја плати, властите во Њујорк би можеле да запленат дел од неговиот недвижен имот. Кандидатот за нов мандат за шеф на Белата куќа рече дека ќе ги плати 175-те милиони долари во готовина или обврзници.

Трамп и неговата компанија се обвинети дека незаконски ја зголемиле вредноста на нивното богатство и манипулирале со вредноста на имотот за да добијат поволни заеми од банките и поволни услови од осигурителните компании.