Јапонија го одобри планот за продажба на борбени авиони
Ова е чекор кон оддалечување од повоените пацифистички принципи на земјата во услови на зголемени регионални и глобални тензии, особено со Кина...
Јапонија го одобри планот за продажба на борбени авиони од следната генерација што ги развива со Велика Британија и Италија на други земји. Ова е чекор кон оддалечување од повоените пацифистички принципи на земјата во услови на зголемени регионални и глобални тензии, особено со Кина. Потенцијалните купувачи ќе бидат ограничени на 15-те земји со кои Јапонија има потпишано договори за одбранбено партнерство и трансфер на опрема.
„Овие одлуки се засноваат на безбедносното опкружување на Јапонија. Со цел да се избегне загрозување на одбраната на Јапонија, неопходно е да се префрлат готови производи од Јапонија во земји кои не се партнери. Ќе продолжиме со нашата основна филозофија како мирољубива нација, а тоа е да се придржуваме до Повелбата на Обединетите нации“, изјави Јошимаса Хајаши, главен секретар на јапонскиот кабинет.
Јапонија, која претходно работеше на домашен дизајн на авиони, се согласи во декември 2022 година да ги спои своите напори со британско-италијанската програма во рамки на Глобална борбена воздушна инцијатива со седиште во Обединетото Кралство.