Товарниот брод што го урна мостот во Балтимор превезувал опасни материјали

Товарниот брод што го предизвика уривањето на мостот во Балтимор превезувал опасни материјали, соопшти Националниот одбор за безбедност на транспортот. Дел од контејнерите биле пробиени и идентификуван е одреден сјај во водата.

„Идентификувавме 56 контејнери со опасни материјали од класа девет, кои вклучуваат литиум-јонски батерии. Некои од контејнерите беа пробиени. Федералните, државните и локалните властите се свесни за тоа и ќе бидат задолжени за решавање на тие прашања“, изјави Џенифер Хоменди, претседател на Националниот одбор за безбедност во транспортот.

Во меѓувреме, црната кутија од бродот што го урна мостот во Балтимор е пронајдена, а потрагата по исчезнати работници е запрена.