Првиот проект за ресоцијализација на осудените лица во Прилеп дава резултати
Во Прилеп речиси две години се спроведува првиот проект во државава за ресоцијализација на осудените лица по издржувањето на казната. Цел тим работи со нив и со нивните семејства и веќе има резултати...
Тим од ментор, психолог, психијатар, правен советник досега работеле со 80-тина осудени лица во казнено-поправниот дом во Прилеп, а и со нивните семејства за побрзо и соодветно вклучување во општествениот живот. Стопанствениците покажаа заинтересираност и над 10 лица се веќе вработени. Ова се резултатите што ги дава првиот проект во државава за ресоцијализација на осудените лица откако ќе завршат со отслужувањето на казната.
Психолог неуморно работи со осудените лица и со нивните семејства зашто тигмите се големи.
Проектот е неопходен, особено зашто дури кај 80 насто од осудените лица се јавува рецидив.
Единствениот проект во државава за ресоцијализација на осудените лица по издржувањето на казната, финансиран од ЕУ почна 2022-ра, а ќе заврши догодина.
Елизабета Митреска