Утре почнува кампањата за претседателските избори
Претседателските избори ќе се одржат на 24-ти април, среда и тој ден ќе биде неработен. Во трка се седуммина кандидати за избор на шеф на државата.
Утре почнува предизборната кампања за претседателските избори и ќе трае до 22-ри април на полноќ. Претседателските избори ќе се одржат на 24-ти април, среда и тој ден ќе биде неработен. Во трка се седуммина кандидати за избор на шеф на државата.
Истече рокот и за доставување на пратеничките листи за парламентарните партии. Седум партии и коалиции доставиле кандидатски листи за пратеници до Државната изборна комисија. Изборната кампања за парламентарните избори почнува на 18-ти април, а изборите ќе се одржат на 8-ми мај.
Заврши и увидот во избирачкиот список. На претседателските избори право на глас ќе имаат 1.814.317 граѓани. За парламентарните во избирачкиот список се запишани 1.815.350 избирачи.