ООН: 10.500 цивилни жртви во војната во Украина

Украинските сили нападнаа цели длабоко во руска територија со беспилотни летала на оддалеченост од илјада километри со тврдење дека нанеле значителна штета на производствените капацитети „Шахед“ во Татарстан. Локалните власти наведуваат дека технолошкиот процес во компаниите не е нарушен.

Зеленски вели дека украинската армија одговара на руските напади со напади од поголем дострел. Претседателот на Украина го потпиша Законот за намалување на старосната граница за мобилизација од 27 на 25 години.

Високиот комесаријат за човекови права на ООН, тврди дека повеќе од 10.500 украински цивили се убиени, а повеќе од 20.000 се повредени во војната во Украина.