Уставен не поведе постапка за законските измени за работните часови од Договорот со „Бехтел и Енка“

Уставен нема да поведе постапка за работните часови за американско-турскиот конзорциум „Бехтел и Енка“. Не е прифатена иницијативата на Синдикатите и другите чинители, кои бараа работниците да не работат повеќе од што треба. Според Уставниот суд, неосновани се наводите дека не е предвидена горна граница на прекувремената работа.

Работниците во Македонија, најостро го осудуваат чинот со кој се забетонираа работничките права, особено правото на пристојно работно време и достоинствената работа, но очигледно дека во Македонија одамна нема достоинство и пристојност.

ССМ најавува протести ако Уставниот суд дозволи на Коридорот 10 работниците да работат 60 часа неделно.

Во однос на наводите за евентуално нарушување безбедноста и здравјето при работа на работниците, Уставниот суд нема надлежност да се впушта во расправа, оти тие односи меѓу работникот и газдата се уредени со договор за работа, а должност е на Државниот инспекторат за труд да проверува дали тие права и обврски се почитуваат.

Борис Грујоски