ЈОРМ: Да не се споделуваат чуствителни информации од истрагата за убиството на Трповски

Убиецот на лекарот Трповски сè уште не е откриен, институциите да се воздржат од споделување на чувствителни информации е ставот на Јавното обвинителство, откако, дополнителниот заменик-министер на МВР, Митко Бојмацалиев, изјави дека матичниот лекар Ацо Трповски не бил убиен во неговиот автомобил, туку на друго место коешто треба допрва да се утврди.

За изјавата на Бојмацалиев од Обвинителството објаснуваат дека, откривачката улога во случајот ја има Министерството за внатрешни работи, а Јавното обвинителство ги издава сите потребни наредби и насоки за откривање на сторител и за целосно расчистување на настанот.

Со оглед на тоа што МВР сè уште не идентификувало сторител на кривично дело, Јавното обвинителство не е во можност да споделува детали кои можат да ја загрозат постапката. Пред две недели матичниот доктор Ацо Трповски беше пронајден мртов со девет убодни рани на паркингот пред поликлиниката железарница. Го нашле неговите синови.