Ванковска: Раскинување на Договорот со Бугарија, преиспитување на Преспанскиот, постапка за излегување од НАТО

Раскинување на Договорот со Бугарија, преиспитување на Преспанскиот, постапка за излегување од НАТО алијансата. Ова се дел од плановите на кандидатот за претседател на државата од Левица, Билјана Ванковска со кои бара доверба од граѓаните.

Таа беше со жителите на Прилеп. Им рече дека мултивекторската политика ќе биде фокусирана на економијата, развојот и инвестициите. Од градот под Марковите кули, Ванковска изјави дека на Македонија не ѝ треба инвестирање во туѓи војни.

Ванковска посочи дека во овие неколку дена од кампањата наишла на слична слика, испразнети градови и разочарани родители чии деца заминале во странство.

Таа смета дека е неопходна јавна дебата на сите претседателски кандидати.

Под мотото „Го враќаме достоинството на нацијата“, карванот на Ванковска беше во Прилеп и Демир Хисар.

Наташа Гркова-Петрушевска