Опожарен билборд на кандидатот за претседател Арбен Таравари во Скопје

Синоќа кај скопската Зоолошка градина бил опожарен билборд на кандидатот за претседател на државата од коалицијата „ВРЕДИ“, Арбен Таравари.

Од таборот на Таравари побараа расветлување на случајот и пронаоѓање на виновниците.

„Би сакале да веруваме дека е несреќа, но билбордот од другата страна воопшто не беше допрен“, укажуваат од „ВРЕДИ“, од каде што велат дека виновниците мора да бидат казнети од законот и правдата, но и од меѓународните набљудувачи.

Од МВР велат дека пријавата кај нив стасала во 1 часот и 15 минути по полноќ, и оти се преземаат мерки за расветлување на настанот.