Пожари во дебарско, општината побара помош од ЦУК

Општина Дебар синоќа упати барање до ЦУК итно да помогне во гаснење, од воздух, на пожари што беснеат во близина на селата Татар Елевци и Бомово. При тоа се наведува дека ангажирани се 14 пожарникари, колку што брои дебарската Територијална противпожарна единица, од нив осуммина во гаснење на пожарот во Татар Елевци, а четворица во Бомово.

Во гаснењето е вклучена и шумската полиција, но поради непристапниот терен гаснењето е тешко. Се повторува апелот итно да се интервенира од воздух и во двата пожара, кои се долж границата со соседна Албанија.