Путин-Порошенко: Важно е да се стави крај на огнот во источна Украина

Рускиот претседател Владимир Путин телефонски разговарал со својот украински колега Петро Порошенко, нагласувајќи ја важноста за прекин на огнот во источна Украина, соопшти портпаролот на шефот на руската држава Дмитриј Песков.

Според ИТАР-ТАСС, рускиот лидер изразил и сериозна загриженост за воените операции на Киев во југоисточниот дел на Украина.

Путин разговарал и со францускиот претседател Франсоа Оланд и германската канцеларка Ангела Меркел за можно решавање на проблемот со украинскиот долг за рускиот гас.