Генерален штрајк на приватните специјализанти
Приватните специјализанти стапија во штрајк, нема да работат сè додека не се исполнат нивните барања за зголемување на паричниот надоместок и решавање на нивниот статус. Тие се грижат за здравјето на пациентите, а кога ќе се разболат, лекувањето го плаќаат приватно. Арно ама за министерот Демири ова не е доволна причина за протест, па смета дека специјализантите се политички мотивирани за потегот …
Надлежните имаат разбирање за барањата на приватните специјализанти, но поради изборите во овој момент не може да има покачување платите. Младите лекари остварија средба со владините претставници.
Над 400 приватни специјализанти престанаа со работа, па менаџерите на здравствените установи беа принудени замена да им најдат во државните специјализанти и специјалистите. Најмногу приватни специјализанти има на Кардиологија, Педијатрија, Хиругија и Гинекологија.
Приватните специјализанти се со договори на дело и работат за 26 илјади денари. Немаат здравствен осигурување.
Приватните специјализанти бараат зголемување на паричниот надоместок на 40.000 денари и решавање на статусот.
Наташа Јанчиќ Менковски