Во последното деноноќие се регистрирани два пожари на диви депонии

Два пожара на отворен простор се регистрирани во последното деноноќие, соопшти ЦУК. Гореле диви депонии во атар на с. Церово, Општина Желино и над ресторанот „Дарданија“ кај с. Боговиње.

Интервенирале пожарникари од Тетово и ренџер од Националниот парк „Шар Планина“. Според последните информации, пожарите се локализирани.

ЦУК апелира за внимателност заради најавените метеоролошки промени со дожд, ветер и снег на повисоките места.